Nikola Modruski (c. 1427-1480) [1465, Italija]: De consolatione liber, versio electronica, Verborum 79291, ed. Neven Jovanovic [genus: prosa oratio - tractatus] [numerus verborum] [modr-n-cons.xml].
Si vis in lexico quaerere, verbum elige et clavem 'd' in claviatura preme.
Est enim hominibus in desideriis uanitatis illud quoque haud postremum
ut a suis morientes defleantur et cum plurima funebri pompa sepeliantur; unde et
ille error adeo insedit mentibus humanis ut gratissimam acceptissimamque rem
mortuis praestare se[ERROR: no reftable 1:] putent si diutius et
diligentius ipsos lugeant. Qui mos peruersus adeo apud Indos inualuerat
ut quidam eorum in funere carissimorum suorum non solum capillum ac barbam, uerum
etiam nares aures supercilia genasque praeciderent; alii in effossis sepulchris
iacentes inedia se sponte conficerent. Nonnulli super rogum, in quo
cadauer comburebatur, sponte insilirent, plerique se uiui consepelirent; quidam in
cauernis et montibus latitantes ac consortia hominum deuitantes totam uitam
luctuosam peragunt dicentes se non debere ullis uoluptatibus oblectari quando
amici eorum illis[ERROR: no reftable 2:] erant priuati;
eadem ratione multi nec solem nec caelum toto tempore suspiciunt.
Nikola Modruski (c. 1427-1480) [1465, Italija]: De consolatione liber, versio electronica, Verborum 79291, ed. Neven Jovanovic [genus: prosa oratio - tractatus] [numerus verborum] [modr-n-cons.xml].
|