Kravar, Miroslav (1914-1999) [1966, Roma]: Oratio in conventu Latinis litteris linguaeque fovendis, versio electronica, 712 verborum [genus: prosa - oratio] [numerus verborum] [kravar-m-oratio.xml].
Si vis in lexico quaerere, verbum elige et clavem 'd' in claviatura preme.
Haud sane dubium est, quin hic Conventus, sicut alii eiusdem generis
coetus, quippe qui hac in re auctoritate plurimum valeant, efficere possint,
ut in studiis Latinis provehendis multa in commune statuantur. In his
mihi eae sententiae maximi momenti esse videntur, quae hac in re ad
omnium nationum unitatem pertinent. Qui enim fines sint destinandi,
quae methodi adhibendae, quae auxilia petenda, hoc potissimum loco
deliberandum esse censeo.
|
