Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Cobarnic, Josip (1790-1852) [1835, Split; Zadar; Makarska]: Dioclias carmen polymetrum, versio electronica, Versus 2345, verborum 17608, ed. La Redazione del Bullettino di Archeologia e Storia Dalmata [genus: poesis - epica; poesis - carmen; prosa - vita; prosa - praefatio; prosa - adnotationes] [numerus verborum] [cobarnic-j-dioclias.xml]. Si vis in lexico quaerere, verbum elige et clavem 'd' in claviatura preme.
VITAE PERILLUSTRIS ET REVERENDISSIMI DOMINI PRAEPOSITI JOSEPHI CIOBARNICH NARRATIO BREVIS.
Joseph Ciobarnich, piis parentibus natus est Macarskae, Dalmatiae oppido, die 16. Martii anni 1790. Jam puer, clericali militiae adscriptus, domi sub peculiari praestantissimorum virorum cura, primam habuit institutionem; deinde in celeberrimo Seminario patavino (1802-1814) integritate morum, foecunditate ingenii, ecclesiasticae disciplinae obeundae alacritate, in addiscendis scientiis litterisque praecipue vero latinis et graecis studio, fere omnes alumnos antecessit. Die 19 mensis Junii anni 1814, sacerdotio initiatus, magistri munus strenue obivit Patavii, Macarskae, Jaderae et Spalati. Qua in civitate praeprimis (1825) c. r. Gymnasii rector, verbo et exemplo per plures annos maxima laude praefuit; semper vultu hilari, imitator Josephi Calasantii, ad mores studiosae juventutis componendos omnem movere lapidem studuit, ut magis et magis quisque ex publica institutione maxima incrementa perciperet, nec non undique praeceptis Religionis sancte ac juste imbueretur. Impiger doctusque antiquitatum investigator, fuit (1832-1842) c. r. Musei spalatensis rector et ordinator. Cathedralis Ecclesiae Spalatensis anno 1832 canonicus honorarius, deinde anno 1834 canonicus praebendarius, per octo annos parochiale munus, decani et inspectoris scholastici officium simul conjungens, pater pauperum, amicus ac fere sodalis inter subjectos et aequales, praeclara dilectionis, prudentiae et fraternae charitatis specimina praebuit, adeo ut omnes eum maximo honore ac reverentia prosecuti sint.
In sermonibus tum ad populum, tum ad juvenes, semper coelesti suavitate et facundi eloquii lepore exornatis, alios omnino antecelluit. Anno 1842 in patria (Macarska) jure merito ad Praeposituram promotus, praeclare se gessit; praeprimis in maximi momenti negotiis omnibus omnia factus, scientiarum et litterarum amator et cultor impiger, multorum juvenum magister munificus, tam in urbe quam ruri omnibus fuerat in deliciis. Quapropter non solum apud omnes honestos et doctos viros Poesim omni suae vitae tempore dilexit, ut non pauca ex ejus scriptis poeticis, quae non periere, testantur. Haec autem in majora et minora commode possunt distribui: inter priora principem locum
tenet Dioclias, Poema polymetrum, quod nunc primum typis mandamus. Summa
deinde commendatione digna sunt illa tria Carmina, quae ipse Jaderae et
Spalati, ad celebrandum adventum novorum Praesulum vulgaverat et quidem: De illius vero carminibus, quae minora appellamus, quaeque potuerunt reperiri, extant adhuc sexagintaquinque, quorum octodecim sacra, tredecim pontificalia, viginti imperatoria, quinque civica, quatuor varia. Eorum quae ad extollendas trium Caesarum nostrorum, nempe
Tantummodo quum praeclarum ejus carmen:
Die Natali Suae Majestatis FRANCISCI JOSEPHI I.
typis Pichleriis, Vindobonae, anno 1849 vulgatum esset, Ephemerides tum temporis:
Wiener Zuschauer, numero 215, diei 19. Septembris
anni 1849, de Viro nostro perillustri haec quae sequuntur aurea verba protulere:
Aus der Pichler'schen Buchdruckerei ist aus Veranlassung des Geburtstages unsers
geliebten Kaisers ein Gelegenheitsgedicht in lateinischer Sprache, unter den Titel:
Wir empfehlen das obige Gelegenheitsgedicht, welches die hohe Sendung und die Vorzüge
unsers Kaisers in so erhabenem Schwünge und in so herrlich reiner Sprache feiert, der
Aufmerksamkeit gebildeter Leser." (A. M. Wiskocill) Quae splendida verba cum celeberrimus Vir Anno denique 1852, quum cura et studio Excellentissimi Dni Michaelis Viale-Prelà Nuntii
Apostolici et Illmi. Dni.
Ejus ossa in humili sepulcro, ad aediculae patrii coemeterii limina, modestissime condita sunt. Ast vigesimo quinto obitus eius anniversario die, nempe die 10 mensis Nov. anni 1867, cum immortalis tanti Viri memoria amplissimis parentalibus Macarskae celebraretur, *)*) Vide opusculum: "Elogio di Mons. Giuseppe Ciobarnich, Preposito delia Concattedrale di Macarsca" — Spalato, Tip. A. Zannoni 1877. patria ejus nobilis, sed non dives, desiderium iterum patefecit, ut tanto filio suo condignum erigeretur monumentum. Et Deo Optimo Maximo Adjutore, monumentum fiet.
Cobarnic, Josip (1790-1852) [1835, Split; Zadar; Makarska]: Dioclias carmen polymetrum, versio electronica, Versus 2345, verborum 17608, ed. La Redazione del Bullettino di Archeologia e Storia Dalmata [genus: poesis - epica; poesis - carmen; prosa - vita; prosa - praefatio; prosa - adnotationes] [numerus verborum] [cobarnic-j-dioclias.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.