Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Babulak, Oton (1808 - 1838) [1834, Osijek]: Proseucticon honoribus Joannis Petri Caroli comitis a Sermage, versio electronica, Verborum 1128, ed. Nikola Matasovic [genus: poesis - elegia; poesis - ode; poesis - mixtum] [numerus verborum] [babulak-o-proseucticon.xml]. Si vis in lexico quaerere, verbum elige et clavem 'd' in claviatura preme.
PROSEUCTICON
honoribus illustrissimi, ac magnifici domini Joannis Petri Caroli comitis a Sermage de Szomszéd-vár S. Caes. reg. et apost. majest. camerarii, ac consiliarii, excelsae tabulae banalis assessoris primarii, per districtum litterarium regnorum Croatiae, et Slavoniae, nec non litoralis Hungarici neo denominati, benignaque resolutione regia probati superioris studiorum ac scholarum directoris, occasione solemnis hujus applausus, in perenne gratificationis pignus regia Palaestra Eszekinensis prov. Capistranae cum jubilo
Nescio, quêis animus tantopere fluctuat anceps Turbinibus, vel quod pectora vulnus habet? Nulla diu requies, noctu respiria nulla; Sed turbo constans viscera discruciat, Si sacri moestus conscendam culmina Pindi, Hanc Musis sortem pandere voce meam, Conspicio tristi totam, lugubrique cohortem Voce queri pariter, corda dolore premi; Accedo lacrymans nitidi subsellia Phoebi, Praesidis ut sacri, virgineique chori Quid video afflictus? lacrymas decurrere ad instar Fluminis ex oculis, oraque moesta loqui: Singula Musarum querulis pandit sua vota Vocibus, et pulla veste diem[ERROR: no reftable :] 3. Junii 1833 qua Illmus. Rdssimus, ad Mgnificus Dnus Josephus Comes a Sermage de Szomszéd-Vár Supremus per Districtum Zagrabiensem Studiorum et Scholarum regius Director obierat. celebrat. Undique magna venit, moestis quae concelebrare Turba queat Musis festa, lugubre decus; Ergo mihi, quaeso, misero quid restat agendum? Turbae ni socium iungere me pariter, Ut sic JOSEPHI Musis sociatus abunde Plangere devote carmine Fata queam. Ast quo, quo mea sensa rapis Maeonides alma, Aut Tua cur tantus viscera moeror habet? Ah quae tristitia vultus turbetur acerba Nescio, quae curae pectora laesa premant?
Vive seclorum superans Calendas Plurium felix, vegetusque PETRE, Magna Te celsis cumulent benigne Numina donis. Docta constanter soboles Saturni Fronde praecingat viridi decoram Ut Tibi frontem, Linus et canora Tinniat oestra. Inclytis tandem meritis decorus, Sit mei flagrans animi cupido, Coelitum iunctus numero, Tonantis Conspice tecta. Quemque non plene Fidicen Thalia Imbuit legem tenerum Poetam, Huius at quaeso tenere canentis Suscipe vota. Haec enim puro, niveoque manant Corde, dum festas referendo luces, Reddidi carmen resonando Vive, Vive beatus!!! |
Vade retro
|
Babulak, Oton (1808 - 1838) [1834, Osijek]: Proseucticon honoribus Joannis Petri Caroli comitis a Sermage, versio electronica, Verborum 1128, ed. Nikola Matasovic [genus: poesis - elegia; poesis - ode; poesis - mixtum] [numerus verborum] [babulak-o-proseucticon.xml].
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.