In CroALa inventa

Croatiae auctores Latini: inventa

| | | | |

Feric Gvozdenica, Duro (1739–1820) [1803, Dubrovnik]: Periegesis orae Rhacusanae, versio electronica, 3368 versus, verborum 28363 [genus: poesis - epica; poesis - praefatio; prosa - index] [numerus verborum] [feric-d-periegesis.xml].

Si vis in lexico quaerere, verbum elige et clavem 'd' in claviatura preme.

Ovid. Metam. lib.4. Cap. 8. Sic de Cadmo, et Hermione in serpentem versis.
Nunc quoque nec fugiunt hominem, nec vulnere laedunt,
Quodque prius fuerint, placidi meminere dracones.

Intus aquae dulces manantes divite vena,
Unde haustum e tota concurritur urbe, caverna
Luce caret, tingitque manus fuligo, gerentum
Quam taedae scabris faciunt haerescere saxis.
Ingredior cupidus pervadere; verùm ubi bina
In stadia audivi quod sit porrecta vorago,
Post paucos redeo passus, et ad aetheris auras
Evado. Haud procul hinc Alapae de nomine dictum[ERROR: no reftable :] Illyrice dicunt na ∫zauscnizi, quasi ad locum Alapae.
Monstrabant collem: cupiebam discere, quales
Attulerint nomen causae, tum e pluribus unus,
Sic locus incoepit dici, temerarius ex quo
Quidam illic juvenis meritae nil tale puellae
Percussit palma faciem, cui Praetor, ut alta,
Quae cernis, strueret suo ut aere sedilia, mulctam
Imposuit. Ridens haec audio; cumque videndum
Nil aliud restaret ibi, vestigia parte
Ex alia, qua Parthenidi stat nobile templum[ERROR: no reftable :] Hîc PP. Franciscanorum elegans Conventus est, ad maris oram positus.
A nivibus dictae, refero, ingrediorque, relatu
Si dignum quid forte oculis haec offerat Aedes.
Verùm nil praeter vulgaria; cumque redirem,
Barbariem redolens factum, cui inscitia causam
Faeda dedit, cuperem sane haud vidisse: Quiritum[ERROR: no reftable :] Haec in illo lapide inscripta. P. MARCIO
PETROM.
MESSIANO
VARIVS FES-
=TVS HERES=
EX TESTAM.
POSVIT
M D.D.D.D. A lineolis legi caetera non possunt, quia lapis ab illo loco terrae infossus.
Quippe lapis veterum sic terrae infixus adhaeret,
Dimidia ut pars pene legi non detur eorum,
Quae descripta super, quadratis undique saxis
Nam stravere locum: stomachans discedo, simulque
Ajo, alibi insudant, aevi ut monumenta vetusti
Effodiant, hîc quae sub aperto lumine caeli
Jam fuerant, tumulantur humo. Fortuna secuta
Sarcophagum est melior, servat quem porticus Aedis[ERROR: no reftable :] In hoc et in sequentibus consulendae Notae et Supplementa supracit. Michaelis de Sorgo in Opusculo ab eodem Typis dato Rhacusae Anno 1790. cui titulus. Commentariolus Ludovici Cervarii Tuberonis etc.
Patriciae: Termarum etiam vestigia pauca
In tumulo editiore sinistra a parte, ubi portus
Incipit, et paries cupido mihi lumine visus
Reticulati operis, duroque in marmore sculpta
Velitis effigies no longo hinc tramite distat
Agnoscenda suis visu vel simplice signis.
Parte sui mutilus pariter mihi tum lapis alter
Ad mare conspectus: rhedae genus exhibet, huic quid
Junctum erat, haud facile dignoscere, forte marinum
Monstrum aliquod, nam erecta Deae stat forma, tenetque
Hinc velum laeva sinuosum, advolvitur ipsi
Quod pedibus tenus, exporrecta sustinet illinc
In dextra pateram: verùm illi cum caput absit,
Quae Dea pilentum regat id, vix Pythia dicat,
Noscere cui tantum dat certus Apollo futura,
Fatidico quoties afflavit numine pectus:
Tum defossa illic civis quae nuper in horto est,
Visa pavimenti mihi pars est sectilis, aevi
Prisci opus. Hinc facile mihi suadeo, talia circum
Multa reperturos, siqui tellure sub ima
Altius effoderent: nam quae hîc est adsita vallis,
Quaeque antiquae urbs potior pars debuit esse,
Imbribus a nimiis, qui terram egere propinquis
E clivis, nunc in tumulum magis edita surgit.
Terrae ita perpetuò facies ubicumque novatur,
Vixque ulla, ut fuerat, nunc est, aevum omnia mutat.

Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom
Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.