318. Ad Postumum Corvini laudatorem
Corvinum immodice tollis coelum super altum,
Et falsas veris laudibus accumulas.
Quarum nullam equidem credo, discernere quando [ERROR: no reftable :]quando] Krša : quarum Radelja
Haud possum quid tu scilicet addideris.
Istam aufer pompam verborum: dic, habet in se
Ille quid egregium, Postume, simpliciter.
Qui narrat majora fide laudator ineptus,
Quemque ornat nil non dicit habere boni,
Non decus illi hominum, quem dis coelestibus aequat,
Sed risum, infestam quaerit et invidiam.