37. Ad Aulum adolescentem, de muliebri consuetudine.
Aule, malum non est, res est modo plena pericli,
Usque colis juvenis quod muliebre genus.
Esse malum nec te dico, nec dicere fas est,
Sed neque mi videor dicere posse bonum.
Non bonus est, nimium sibi qui confidit et audet
Id, fieri multos perspicit unde malos;
Non bonus est, cura qui non sibi providus omni
Prospicit, esse diu possit ut, Aule, bonus.