1. Perelai votum pro Pio Sexto Pontifice Maximo
Aureolum hunc Petri collem super, hanc locat aram,
Heic niveas pascit qui, Perelaus, oves;
Inscribitque arae laetus, quae nulla vetustas
Deleat, haec pulchris carmina pauca notis:
Salvo, Petre, Pio dicat hanc Perelaus et orat,
Cultorem serves ut, bone Dive, tuum;
Pro quo, sit longum ut sospes, florensque vigensque,
Ipse suum pastor devovet ecce caput.

2. Ad Cererem votum
Diva potens frugum, foecundae pacis alumna,
Primaque munificas inter habenda deas;
Seu tu praesenti firmas modo numine glebas,
Perque suos segetem provehis articulos;
Seu tibi maturam jactat modo Gargara messem,
Sive tuo sis ubi munere flavet humus;
Aspicis, ut pluvius contristet Jupiter annos,
Aspicis assiduis ut ruit aether aquis?
Tertia virgineum suffudit jam ore ruborem
Delia, quo insolitus verberat imber agros;
Tu face, ut ignivomus radiis maturet aristas
Sol et diffugiant nubila sparsa polo:
Tu face, ne vanis messis nos ludat aristis,
Sed rumpat victis horrea liminibus.
Tum subito, alma Ceres, meriti reddentur honores,
Atque tuas cingent spicea serta comas.

3. Naufragi votum ad deos marinos
Nereides, Neptune, Ino, Melicerta, deorum
Quidquid habent vasti caerula regna maris;
Naufragus hanc vobis tabulam do, vela daturos
Quae moneat, vobis credere se ut metuant.

4. Daphnydis et Antigenis votum. Pro perpetua amicitia
Hanc vobis aram Permessi ad flumina, Musae,
Ponunt unanimes [ERROR: no reftable :]unanimes] corr. ex unamines Daphnis et Antigenes;
Ille senex vestrae monstrator non malus undae,
Hic sibi monstrato potus in amne puer.
Ponunt; juratique ambo sic voce precantur:
Ara sit haec longae testis amicitiae;
Quam (prohibete nefas!) nostrum [ERROR: no reftable :]nostrum] monstrum si fallat utervis,
Vos illum e Pindo praecipitem ejicite.

5. Puer Dorylas Apollini laurum
Hanc parvus Dorylas laurum tibi, Phoebe, per altas
Qui Pindi rupes fert puer usque pedem
Pegaseos quaerens latices, fontesque beatos,
Unde pii vates, turba diserta, bibunt;
Et rogat, hinc illi pulchra de fronde corona
Implicet ut doctas, te tribuente, comas.

6. Ad Auroram [ERROR: no reftable :]Ad auroram. Votum pro Damone somniculoso. Krša
Quae terris almam portas, dea candida, lucem,
Et noctem ad Stygias cogis abire domos,
Damonis, bona diva, tuo si munere somnus
Vel semel ignavis fugerit ex oculis,
Daphnis odoratis tibi spondet bina ligustris,
Binaque puniceis plena canistra rosis.
Si proprium id fuerit, florum sibi quidquid in hortis
Proveniet verno tempore, sola feres.

7. Ad somnum
Haec tibi, somne, fero lethaea papavera, lacte
Haec niveo et rutilo pocula plena mero:
Carmina caenatus cum scribo, tu procul absta;
Scripsi ubi, tum facilis tu mihi, Somne, veni.

8. Ad Phoebum pro incolumitate Petri Pizzellii filii Mariae Pizzelliae dictae Lydae
Phoebe pater, vocum et citharae moderator eburnae,
Cui cordi est dulces quisquis amat numeros,
Cultori tu, dive, tuo, quae parvula morbi
Restat adhuc praesens, exime particulam;
Tunc tibi ego laetum scribam poeana: canoros,
Ut solet, egregie condet at ille modos.

9. Ad divos pro incolumitate supradicti Petri et Violantae ejus sororis
Petre, vales; Violanta simul valet; una duobus
(Pro superi!) est uno tempore parta salus.
Nil non fraternum sensit soror; et tulit omnes,
Corpore quas frater, mente animoque vices.
Jure igitur salvum pariter gaudemus utrumque,
Pro gemino et divis dona damus capite.

10. Pro Clemente XIII. votum
Albani colles, castrumque in collibus et tu,
Frigida supposito condita lympha lacu,
Et mites animae spirantis lene Favoni,
Et quaecumque cies lenior aura nemus,
Vos, morbi quod restat adhuc, depellite; vos o
Clementem, humani delicias generis,
Delicias et praesidium, recreate; valentem
Vos urbi et votis reddite Romulidum;
Tunc Urbs, tunc hominum dicet genus omnia vobis
Deberi de se tam bene promeritis:
Tunc vos laudabit Clemens, multoque reverti
Ad vos saepe loci captus amore velit.

11. Votum pro grege Daphnidis
Tu nemore in magno dormis, heu, Daphni; Melampus
Nec vigilat somno victus et ipse. Gregi
Quid misero fiet? Si quis deus es, bone Somne,
Raptores etiam sterne sopore lupos.

12. Ad Eurum
Arenti longum quod terrae effuderis imbrem,
Eure, tibi grates reddimus innumeras.
Reddemus plures, pluviam largitus opimam
Aeoliam repetes si, tua tecta, domum;
Si Zephyrum regnare sinas octobribus horis
Dum cives campos, ruraque laeta colunt;
Dum captare auras coelo juvat usque sereno,
Innubi et, quo mens jusserit, ire die.
Crede, sat est, tellus Boreaque et Sole perusta
Officio semel est quod madefacta tuo;
Cede procul, tecumque aufer tonitruque severum,
Et plena obscurae nubila moestitiae:
Venisti nulli non gratus; gratus abito;
Perdet longa tuum jam mora promeritum.

13. Pro Rogerio Boscovichio, quum e gravi ulcere, quo affectus diu fuerat, convaluisset
Qui vulnus, Rogere, tibi tetrum abstulit ac te
Optanti salvum reddidit Ausoniae,
Vitam illi haud solus debes, debemus at ipsi
Vitam et si vita carius est aliquid,
Qui modo te absumptum, vita o mage care, sodales
Flevimus, audimus nunc subito incolumem;
Laetamurque, deis tanto et pro munere vota
Certatim flavum solvimus ad Tyberim.

14. Menalcae votum
Mens bona, si qua dea es, foedam quae pectore noctem,
Errorum caecas discutis et tenebras,
Thura, merumque tibi portat, supplexque Menalcas
Haec te pro socio Thyrside pauca rogat:
Fac, senio effoetus Pollae qui flagrat amore,
Noscat, quo flagrat, quam sit ineptus amor.

15. [ERROR: no reftable :]Leggesi stampato questo epigramma nell Efem. Lett. di Roma sotto il n. II del dì 8 Gennajo 1780. p. 10; ed altresì nella Raccolta intitolata "I Voti Quinquennali celebrati dagli Arcadi nel Bosco Parrasio ad onore della Santità di Nostro Signore Pio VI", nella Stamperia Salomoni in Roma 1779 in 8.vo. Krša Pro Pio Sexto votum post quinquennium imperii sui peractum [ERROR: no reftable :]Pro Pio Sexto votum peracto quinto pontificatus sui anno. Krša
Vota pii solvunt vates, quinquenne peregit
Sospes et incolumis quod Pius imperium,
Cui non quinque annos, at saecula quinque peracta
Esse putat, quisquis tot benefacta videt;
Tam vastas operum moles, mirandaque rerum,
Quae vincunt quodvis carmen et ingenium;
Atque suis per se, vatum nihil indiga, ab ortu
Solis ad occasum clara micant radiis.
Vatibus hoc superest unum, tam magna gerenti
A superis annos poscere Nestoreos.

16. [ERROR: no reftable :](ponendum inter votiva) Krša [ = Sac. 34] Virgini Deiparae votum
Quod varios pelagi casus et caeca pericla,
Ventosque et tristes incolumis scopulos
Effugit Imeris, longo et post tempore tandem
Conspexit patriae limina cara domus,
Hic te marmoream posuit, bona virgo, tuumque
Testatur grato pectore promeritum.

17. [ = Sac. 42] Ad Dei Matrem, quae in aditu Floridianae domus colitur
Arcto hic in spatio deprensus torva minantis
Saeva bovis timui cornua Cunichius;
Atque tuo, Virgo, coleris quae proxima, casum
Effugi duri funeris, auxilio.
Gratus ob hoc memori fateor, testorque tabella;
Quod spiro et vivo, munus id esse tuum.

18. Pholoes votum ad deos agrestes
Liba Pali, flores Nymphis, thyrsumque Lyaeo
Dat Pholoe; multum lac fluat ut domino,
Ut gregibus multae plenis de fontibus undae,
Multa sibi e pleno dulcia vina cado.

19. [ERROR: no reftable :](Non est Cunichii. Vide inter votiva in Anthol. Graecor.) Krša Nisae votum ad Paphiam [ERROR: no reftable :](id est Venerem) Krša
Nisa dico speculum hoc Paphiae, quod me ipsa videre
Qualis sum nolo, qualis eram nequeo.

20. [ = Sac. 44] Deiparae Virgini poetae votum
Virgo, tibi calamum dicat hanc Perelaus ad aram,
Quo suerat laudes scribere saepe tuas.
Tu face, quae scripsit de te, nec livida turba,
Longa nec infesto tempora dente terant.

21. Pro Violantae [ERROR: no reftable :]Pizzelliae Krša salute votum
Aegra caput fessum posuit Violanta; sub imo
Torret languidulam febris acerba sinu.
Ferte at opem, faciles Nymphae, vestroque valescat
Munere jam vestro digna puella choro.
Si facitis, divae, laudis praeconia vestrae
Scribam laetifico carmine gratus ego.
Scribam carmen ego: solemnes carmen ad aras
Structum fraternis concinet illa modis [ERROR: no reftable :]"Modos enim faciet Petrus Aloysius Violantae frater, cujus singularem in eo genere scientiam nemo ignorat, nemo non admiratur." Sic in editione Parmensi pag.a 45. (De his plura epigrammata sunt in Libro epigrammatum ad Lydam). Radelja
Utque solet, mira vocis dulcedine captis
Nempe meram affundet sensibus ambrosiam.

22. Ad Charites Corydonis votum pro gratae vocis modulamine [ERROR: no reftable :]Ad Charites Corydonis votum
Formosae Charites, dium genus, queis sine pulchrum,
Queis sine jucundum nil pote confieri,
Has vobis Corydon verno de flore corollas,
Inque suis ponit dulcia mella favis.
Vos facite, ut vestro madeant sua verba lepore,
Cantet ubi sumptis carmen arundinibus;
Nullaque non verno ridens mage flore, nec ulla
Sit vox Mopsopiis sit mage grata favis.