Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. Si vis in lexico quaerere, verbum elige et clavem 'd' in claviatura preme.
VI.
Trepidavit alis, at non avolavit. Struthio, et Aquila. Ea ne mineris, quae exequi minime queas. Regi creando comitia cum haberent aves, Aquilamque longe caeteris cognoscerent Praestantiorem, judicabant regio Honore dignam; cumque Struthio pergravi Id ferret animo, turbulentos coeperat Motus in avibus concitare, praedicans Se principatu digniorem, corporis Quem vasta moles anteferret omnibus. Hoc litis illae sic secandum existimant, Ut qui volatu praestitisset alteri, Regnum occuparet. Conditio posita placet Utrique volucrum. Certioris spei Aquilam Implebat alae nota jam pernicitas. Struthio per auras ante qui nunquam leves Cursum tenuerat, se tamen certamini Temere offerebat. Evolandi ut interim Signum dabatur, illa ritu fulminis Perrumpit auras, seque condit nubibus. Magno sed alter concitatus impetu Artus ab imo tollere nequibat solo, Trepidante frustra penna: avibus irrisui Is tunc habetur; Aquila sed regnum capit.
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.