Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. Si vis in lexico quaerere, verbum elige et clavem 'd' in claviatura preme.
Domus dives fama, at in ea et felis esurit. Rusticus, et Felis. Agricola in amplis cum videret aedibus Commolientem muribus dolos Catum, Unumque saevis jam praedantem dentibus, Sic increpabat. Animal o te pessimum, Suetum rapinis, caedibusque vivere! Quid bile pectus aestuat tanta tibi, Mures ut avidus insequaris helluo? Non sat, quae herilis affatim dantur tibi Mensae esculenta? Non beatum te satis Opibus abundans, quam incolis, facit domus? Ad dicta Feles nil moveri; at talibus, Ut murem adedit, rusticum refellere. Vocas quod animal indolis me pessimae, In damna natum, muribusque injurium, Calumniaris sic loquendo; ad talia Vis namque quaedam me fatalis incitat: Domus sed haecce, rere quam largum mihi Sufficere victum, praeter unam nominis Celebritatem, nil habet; nam omnes fame Urgemur intus sic rabida, ut alvum ni ego Quandoque vacuam muribus referciam, In divite domo centies peream in diem. Famae fefellit saepe rumor plurimos.
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.