| Croatiae auctores Latini: inventa |
| domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
|
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. Si vis in lexico quaerere, verbum elige et clavem 'd' in claviatura preme.
Rusticus hariolus. Vanae augurandi deditus scientiae Noctivaga Mopsus contemplando sidera, Ventosque, et imbres, aeremque innubilum, Annos canebat nunc futuros uberes, Nunc messis inopes. Hic quibusdam ut maximam Signis in annum conjectabat proximum Famem colonis imminere, haud desiit Monere, ab illo quisquis ut aliquid die Inciperet escae corpori subducere: Id si fecissent, evasurum mitius Malum, vincique posse parsimonia. At nemo agrestum paruit, se panibus, Obsoniisque nutriebant: unice Famis futurae territus periculo Vates avare victitabat, hordei Quamquam domi esset, triticique copia. At haec diebus tristibus consumere Quod jam statuerat, colligebat vilium Per arva quidquid pullulabat graminum, Talique ventrem largiter opplebat cibo. Rerum sed esus jugis insalubrium Sic sanitatis peturbavit ordinem, Brevi ut perierit, intactusque haeredibus Ingens acervus tritici remanserit. Gazis, avare, qui paratis abstines Uti, tibi idem destinatur exitus.
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. |
|||||
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.