Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. Si vis in lexico quaerere, verbum elige et clavem 'd' in claviatura preme.
XXII.
Homines perfricta fronte facile vivunt. Vespa, et Cochlea. Haec impudentem fabula in hominem cadit, Novique plures; neminem sed nomino. In alveare Vespa se intulerat iners, Apibusque multum opere occupatis in suo, Ambrosio avidius se replebat nectare. Huic quaedam ut esse vidit dissimile genus, Hinc avolare praepete coegit fuga, Tristi impudentem persecuta aculeo. Cras ergo meutens ob recentem injuriam Redire eodem Vespa pabulum sibi Quaerebat alibi, jamque nescio quid dapis Ab ore muscae pervolantis abstulit, Alterius iterum, tertiaeque denuo, Mox caeterarum, dum sedata jam fame Tandem quievit; cumque largus interim Coepisset imber defluere, se in Cochleae Testam recepit, mussitansque hanc corpore Adnixa toto deprimebat, ut locum Sibi occuparet ampliorem. Cochlea Indocilis illud ferre contubernium Pulchre admonebat, suo tu abiret e lare. Tum Vespa, in arctum adhuc, ait, te collige, Ut heic minore demorer cum incommodo; Tua at migrabo, si lubebit, e domo, Cum pluere cesset. Tam protervis Cochlea Ardere dictis; sed minacem ut viderat Jamjam distringi aculeum, se in hospitis Contraxit iterum praepotentis gratiam.
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.