Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. Si vis in lexico quaerere, verbum elige et clavem 'd' in claviatura preme.
XX.
Mordentne hae pecudes? Simulate simplex. Vafer furacem vindemitor ut indolem Melius occuleret, pergeretque laedere Nulli suspectus, hoc habebat proprium, Ut stupidum, et animi se pusilli fingeret; Hic ut vel agnum, triticumve ab area, Aliudve quidvis, quod veniret ad manus, Dolo amovere callidus posset malo, In rus se quoddam deferebat patrio A rure distans; utque visus obviam Prodire pastor plurimo cum ovium grege, Metum ille simulans, an peragat ultra viam, Incertus haeret, et retractis gressibus, Oves an illae mordeant, interrogat. Pastor qui in hominis fronte quid subimpudens Notavit, iste supposititius stupor Tuus, inquit, atque melleae vocis sonus Mihi est suspectus; teque hinc ni amoveas statim, Tibi faxo mentem reddat hic fustis bonam, Istumque inanem ex animo ut expuas metum. Simulata simplicitas dolum incautis struit.
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.