Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. Si vis in lexico quaerere, verbum elige et clavem 'd' in claviatura preme.
I.
Lupus senior a canibus irridetur. Lupus senior, et Canes. Lupus senecta factus imbecillior Oves praedari cum nequiret amplius, Quicumque pagis incolebant proximis, Suosque soliti ducere ad pastum greges Inusitato gestiebant gaudio; Metuque vacui ipsi otiabantur canes Ovile circum: utque impotenti illudere Quaedam est voluptas tristis adversario, Id ut peragerent, in nemus se plurimi Canum tulere, jamque pene inedia Enectum, et aegros vix trahentem artus solo Sub rupe scabra reperiunt: tun' scilicet Olim tremendus hostis ille es, inquiunt, Qui nos ovilis ab aditu ut te longius Cura arceremus vigili, tot traducere Noctes ad imbrem perpulisti, et frigora? Aures acutis vellit interim hic dentibus, Petulans in humeros alter insilit, in os Summa micturit ille contumelia. Impune faciunt cuncta, namque abest vigor. Tunc ille: oportet haec feram, cum me gravis Senecta vestri fecerit ludibrium. Haec impotentes fabula admonet senes, Praesertim in alios qui fuere injurii, Duras et ipsi ut aequius tolerent vices, Irrisuique caeterorum se parent.
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.