Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. Si vis in lexico quaerere, verbum elige et clavem 'd' in claviatura preme.
XVII.
Non sapit Asino apium. Coquus, et Asinus. Inter culinae januas, et hortuli Usus quod esset pervius, scitissimi Herbas saporis diligens inseverat Coquus, ut haberet condiendis ferculis Facile paratas: hic suo dum strenue Desudat operi, sepe rupta Auritulus Hortum subierat, herbidoque gramine Ventrem replebat; nec Coquus sensit prius Pascentem, ab ipso quam culinae limine Pedem promorat, in hortulo quid nescio Carpturus oleris; properat arrepta sude Abigere, jam apium deperisse, et caeteras, Quas miscet escis, arbitratus herbulas. At nil ut aliud adtigisse, carduum Praeter rigentem, caricesque comperit, Versa in cachinnum, dixit, iracundia: Quid sapiat Apium pol! Rudentes nesciunt. Ne te sodales imperitum irrideant, Disce aestimator esse rerum callidus.
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.