Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. Si vis in lexico quaerere, verbum elige et clavem 'd' in claviatura preme.
XIII.
In eadem caula duo arietes manere nequeunt. Duo arietes, et Armentarius. Duos arietes cum balantum plurimo Grege quum in eadem dives Armentarius Caula locasset, mane primo venerat Laxare septa, stansque primo in limine Obstrepere magno murmure exaudit locum, Oculoque rimis applicato detegit Duris arietes invicem se cornibus Percutere: ad illos advolavit ocyus, Vixque ut diremit, conquievit proelium. Cum cras aperuit septa, pertinacius Pugnare vidit, perlitosque sanguine. Ansam ut cruenti tolleret certaminis, Hinc inde tortis alligatos restibus Divisit; eadem mansit at rivalitas. Vi namque tanta distrahebant stupeos Nexus, at animam pene uterque elideret. Quod ut bubulcus sensit, arietes, ait, De principatu qui gregis delitigant, Eadem recipere caula non potest duos: Divisit ergo stabula, divisit gregem, Uni adtributa portione, et alteri. In urbe quoties ad duos res aemulos Publica redigitur, semper illi praelia, Ni dividantur, conserent, dum alter cadat.
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.