Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. Si vis in lexico quaerere, verbum elige et clavem 'd' in claviatura preme.
XII.
Plus dierum est, quam tomacularum. Homo gulosus. Quidam e suilla carne cum farcimina Sibi gulosus comparasset plurima, Deliberarat singulos unum in dies Comesse, et anno sat putabat integro Sibi futuram talis escae copiam. At cum nec illa rite numerasset prius, Nec quot diebus constet anni circulus Novisset iste truncus, urgebat dies Propositum in omnes pertinax stulte suum. Prandentem at olim forte cum deprenderet Vir quidam; et illi glorians de dape sua hic Narraret; alter, ergo nunc, inquit tibi Bis centum in arca, nempe quot in anno dies, Botulorum adhuc est. Curiosus helluo Numerare coepit; sed reperta copia Tomacularum sat minore, abdomini Modum est deinceps ponere coactus suo, Proque una, in omnes quam prius edebat dies, Edit diebus octo sesquialteram. Tali sed esca adaestuante sanguine Ad regna furvae transiit Proserpinae. Ventri est negandum, plura cum justo petit.
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.