Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. Si vis in lexico quaerere, verbum elige et clavem 'd' in claviatura preme.
XXXVI.
neghli moja zjela. Tua urna disrupta melior videtur mihi, quam mea integra. Duo cum Hydriis. Duo quisque propriam deferentes hydriam Muscosa in rupe, juxta quam pellucidus Humor scatebat, posuerant, donec locum Turba haurientum cederet, cum hic lumina Intenta fixit in sodalis hydriam, Ratusque in illa quid videre, quod sua Urna haud haberet, possidentem lividis Intuitus oculis inquiebat: pol! meae Tua urna praestat. Hic gemellas dicere, Lutoque fictas ex eodem, nec sibi Dissimile in illis apparere quidpiam. Alter, aliena qui cupidus inhiat bona, Mitte, inquit, nugas: nonne cernis, ut tuae Multo nitidior facies? Huic crustam quoque Inductam ego intus puriorem quolibet Certare tecum non recusem pignore; Tactuque, et oculis explorata plurimum Fundo nigroris ut subesse comperit, Causae quid esset, postulavit illico. Huic ille: fissa pars quod ima est hydriae, Ut adhuc idonea esset ad aquandum mihi, Rimas tenaci penitus opplevi pice. Ut vis: profecto sed meae vel integrae Adhuc tua fissa, crede, praestat hydria. Non tanti avarus illa quae obtinuit bona, Quanti quae ab aliis possidentur aestimat.
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.