Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. Si vis in lexico quaerere, verbum elige et clavem 'd' in claviatura preme.
XXVII.
Qui alieno vehitur equo, cito desilit. Alieno equo insidens. Equo insidentes gesta post negotia Cives redibant patrium in solum duo, Viaeque multum cum vorassent asperae, In laeta campi se patentis aequora Tulere, prima cujus ad divortia Occurrit alter ecce conterraneus Equo, ut videbant, vectus haud ignobili, Parum sed hilaris furti conscientia. Una ire statuunt, utque medium jam fere Campum tenebant, plurimo vir cum grege Prodire visus obviam: hic deperditum Paucis abhinc diebus quaeritans equum, Hunc, quo iste vehitur, ipsum eundem perspicit Suum esse: ut ergo desiliret illico Hominem admonebat; ille contra ad nundinas Emptum (amoveri posse sic infamiam Sperat) negabat reddere; at cum inferre vim Pararet alter, fur opem ab sodalibus Petere: hi dolentes ejus infortunium, Sibique veriti nequid accideret mali, Armata ferro si impetum faceret manus, In emendo posthac, inquiunt, sis cautior, Reddendus at nunc hic equus domino est suo. Res parta furto vel cito ad dominum redit, Vel semper animo possidetur anxio.
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.