Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. Si vis in lexico quaerere, verbum elige et clavem 'd' in claviatura preme.
I.
Flet prima mater, cui sit audax filius. Pulli Aquilini, et Gallina. Nidum posuerat Aquila quercu in ardua: Gallina pullos in cavo ejusdem arboris Subter locarat; cumque, ut escam quaereret, Hinc advolasset Aquilla, grandiusculi Coepere pulli ramulis proludere. Repente at illis, forte gallinaceos Scalpturientes dum solum pullos vident, Nativus ardor occupavit pectora, Praedaeque cupidi praecocis magno impetu In pipientem concitarunt se gregem. At pullulorum facta mater obvia, Periculique capta magnitudine Expandit alas, subrigitque singulas Plumas per omne corpus, atque ira furens Modo hos, modo illos pergit illaetabili Ferire rostro, donec omnes enecet. Redux inanem ad nidum Aquila pullos solo Jacere caesos ut videt, ob audaciam Intemperantem calamitatis credidit Id accidisse: pressit illi pectora Dolor, suisque plurimum ingemuit malis. Periculosam temere qui aleam subit, Fiditque nimio plus sibi, facile perit.
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.