Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. Si vis in lexico quaerere, verbum elige et clavem 'd' in claviatura preme.
XIX.
Redde artifici instrumenta. E Rustico Faber. Profundum in agro puteum ut faceret sibi, Humum excavabat rusticus, cum ferream, Quo casu in illo nescio repositam loco, Invenit massam; gestiensque ad fabricam Vicinioris ut traduxit oppidi Fabro indicavit quidquid hinc fieri cupit. In plura sectam fragmina hic igni prius Mollire, crebris ictibus deinc tundere, Formamque rite cuncta flectere ad suam, Agricola fixis intueri singula Dum perstat oculis, censet id facillimi Opus laboris; hinc dari fabrilia Sibi arma poscit, ut recurvam vomeri Donet figuram; jamque faber e rustico Repente factus malleo ferrum gravi Tundebat alacer: ad quae ut aspexit rudem Puer officinae deditus ferrariae, Sua arma fabro redde, dixit, villice. In arte nemo non sua se exerceat.
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.