| Croatiae auctores Latini: inventa |
| domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
|
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. Si vis in lexico quaerere, verbum elige et clavem 'd' in claviatura preme.
Sanus aegrotans. Praesente morbo se teneri Corbulo, Sanum indicabat lucidus quem oris color, Medico asserebat. Exterius hic cernere Cum signa morbi nulla posset, indole Meticulosa Corbulonem credidit, Tetrasque monuit inquieto ut pectore Curas abigeret. Alter obfirmatius Perstans priore fixus in sententia Medicum coegit nominare plurimos, Occultioris esse qui generis solent Morbos, ut hominis proprium deprenderet. Cumque hic eorum se negaret quopiam, Quos indicabat, affici, jam coeperat Timere medicus, tristis humor impotem Ne mentis hominem reddidisset. Corbulo, Cui praeter unam sanitatem caetera Deerant, medentem cum videret anxium Se propter, illam verbis rem secuit tribus: Ne plura, quaeso; nam mihi pol! adest salus, At nuda cum sit, morbi germana est soror. Perinde egestas summa ab hominibus solet, Ac quodvis aliud triste permetui malum.
Feric Gvozdenica, Duro (1739–1820) [1794]: Fabulae, versio electronica, 2266 versus, verborum 52873, ed. Sanja Peric Gavrancic [genus: poesis - fabula] [numerus verborum] [feric-d-fab.xml]. |
|||||
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.