Sonhovius, Johannes; 1543-1580 (1543-1580) [1577], Catharinias, versio electronica (), 2073 versus, Ed. Tilg, Stefan [word count] [sonhovius-j-catharinias].
-- -- IHS
Salutatio principum
Prima ad omnes principes
Faustis, o simul, o adeste, votis
Oenipontiadum duces sororum
Et vatum chorus! I, procul minaci
Adversum feriens scopum sagitta!
I, contemptor et arrogans, abito,
Non spectata tibi duces pararunt.
At vos, aurifero fluentis alveo,
Cinctae montibus Oeni adeste valles!
Gaudete, o iuga montium, pruinis
Alteque umbriferis operta silvis!
En vestrum geminant duces honorem,
Ingentes animis duces et armis
Potentes, columen Carinthiorum
-- -- Et lux Austriacae decusque gentis,
Flos, laus, lux Bavarae decusque terrae,
Sperati toties, semel recepti.
Quos salvere cavis sonorus Oeni
Plectris alveus, et iubet valere.
Sonhovius, Johannes; 1543-1580 (1543-1580) [1577], Catharinias, versio electronica (), 2073 versus, Ed. Tilg, Stefan [word count] [sonhovius-j-catharinias].
|