Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Zamanja, Bernard (1735-1820) [1792]: Theocriti, Moschi et Bionis idyllia omnia (excerpta), versio electronica, 476 versus, verborum 5000, ed. Neven Jovanovic [genus: poesis - idyllium; poesis - versio - ex Graeco] [numerus verborum] [zamagna-b-idyllia.xml]. Si vis in lexico quaerere, verbum elige et clavem 'd' in claviatura preme.
Idyllium XI. Cyclops.
Theocritus Niciam medicum Milesium in hoc carmine alloquitur, nullumque esse ait contra Amorem praesentius remedium, quam Musas, earumque cantum; idque docet exemplo Cyclopis Polyphemi. Non alio melius medicamine triste nec ungi, Nicia, nec spargi me iudice vulnus Amoris, Pieridum dulci valeat quam carmine. lenis Ista quidem tactu medicina et suavis; at aeque Inventu haud facilis. scis, credo, edoctus in arte Paeonia, carusque novem tu rite Camoenis. Ducebat leviter sic vitae incommoda Cyclops Ille vetus Polyphemus in ipso hoc litore, Nympham Perditus aequoream iuvenis quo tempore amabat Vix circum rara signans lanugine malas. Non crispans in fronte comas, non poma, rosamve Ipse ferens; sed enim male totis actus amabat Heu furiis: cura haec fuit una, at cetera ludus. Saepe assueta greges rediere ad ovilia soli page E viridi pastu, spumoso in litore Nympham Dum canit, et luctu tristis tabescit acerbo Ipsius aurorae rutilo surgentis ab ortu Vulnus alens, Erycina potens quo pectora fixit Lethiferam condens alto sub corde sagittam. Hoc tamen invenit curis lenimen: in antro AĆ«rio residens, ac subdita caerula spectans Suavidico tales fundebat gutture questus. Candida, quid miserum, Galatea o, spernis amantem? Lacte mihi puro mage candida, mollior agno, Saevior et vitulo, silvestri et acerbior uva. Ipsa venis, quum dulcis habet mea lumina somnus; Et subito fessos idem quum deserit artus, Forte lupum ceu visat ovis, fugis ipsa vocantem. Tempore iam ex illo coepi te captus amare, Venisti ut primum nostra cum matre hyacinthos Carpere purpureos optans in montibus istis: Monstrabam dux ipse viam, laetusque praeibam.
Zamanja, Bernard (1735-1820) [1792]: Theocriti, Moschi et Bionis idyllia omnia (excerpta), versio electronica, 476 versus, verborum 5000, ed. Neven Jovanovic [genus: poesis - idyllium; poesis - versio - ex Graeco] [numerus verborum] [zamagna-b-idyllia.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.