Skrlec Lomnicki, Nikola (1729-1799) [1791]: Status actualis oeconomiae publicae, versio electronica, Verborum 39967, ed. Neven Jovanovic [genus: prosa oratio - tractatus] [numerus verborum] [skerle-n-status.xml].
Si vis in lexico quaerere, verbum elige et clavem 'd' in claviatura preme.
Fabricantis Tabacae unius tantum in Comitatu Castriferrei, possessione Tarcsa
Relationes meminerunt. Constat tamen Complures eorum per Regnum Sparsos
esse, qui domesticam consumptionem abunde explent. Unus Budae
alter Lendvae iam Hispanicam imitantur, eiusque aliquam
quantitatem etiam extra Regnum distrahunt. Flumine exstat iam
formalis Fabrica quae Tabacam ope molae praeparat, et notabilem eius
quantitatem quotannis ad exteras Provincias effert. Omnium Fabricarum harum
Loca ideo designanda esse videbantur, et ut mutationes, quae a postremo, quo
Relationes praestitae sunt, anno intervenerunt, facilius possint observari,
et ut appareat quorsum quae Industriae Species Suapte inclinet; patet nempe
ex his quod Fabricae universim ac praesertim Laneae et
Gozypeaceae ad viciniam Germanicarum Provinciarum
surrexerint, quod Lineae in 16 Oppidis, vicinisque sterilioribus et frigidis
Comitatibus pululare incipiant: denique quod metallisticae et
vitriariae in montanis et sylvosis Comitatibus sint
ennatae: Sericeae vero Budae et Pestini Sedem
figere velle videantur.
Skrlec Lomnicki, Nikola (1729-1799) [1791]: Status actualis oeconomiae publicae, versio electronica, Verborum 39967, ed. Neven Jovanovic [genus: prosa oratio - tractatus] [numerus verborum] [skerle-n-status.xml].
|