Skrlec Lomnicki, Nikola (1729-1799) [1791]: Quindecim epistulae ad Martinum Georgium Kovachich, editio electronica, Verborum 12898, epistulae 15, ed. Neven Jovanovic [genus: prosa oratio - epistula] [numerus verborum] [skrl-epist-kov.xml].
Si vis in lexico quaerere, verbum elige et clavem 'd' in claviatura preme.
Triduo antea, quam postremas tuas, de 31 praeterlapsi, accepi, reddita mihi
sunt decreta, quae medio episcopi submisisti. Opportune evenit quod illo
plane tempore animadversiones in Andreae 3-ii et Vladislai 1. decreta iam
absolverim. Itaque commentandis his quoque decretis manum continuo admovi,
et Deo auspice opus iam etiam peregi. Cum res volumen efficiat, proximis
autem diebus expressus cum aliis litteris ad episcopum
ascensurus sit, nolui te meque postalibus expensis inutiliter gravare, sed
omnia ipsa hac occasione tibi submittam. Volui te de eo in antecessum
certiorem reddere, ne longior exspectatio aliquam tibi fortasse
sollicitudinem iniiciat. Superest ut de eo etiam, quomodo in hoc opere
versatus sim, te edoceam.
Skrlec Lomnicki, Nikola (1729-1799) [1791]: Quindecim epistulae ad Martinum Georgium Kovachich, editio electronica, Verborum 12898, epistulae 15, ed. Neven Jovanovic [genus: prosa oratio - epistula] [numerus verborum] [skrl-epist-kov.xml].
|
