Skrlec Lomnicki, Nikola (1729-1799) [1791]: Quindecim epistulae ad Martinum Georgium Kovachich, editio electronica, Verborum 12898, epistulae 15, ed. Neven Jovanovic [genus: prosa oratio - epistula] [numerus verborum] [skrl-epist-kov.xml].
Si vis in lexico quaerere, verbum elige et clavem 'd' in claviatura preme.
Littera tua magnam mihi attulit voluptatem; video enim quod tu improbo labore
et praefracta constantia eripueris tandem genti nostrae vetus praeiudicium,
quasi veteres scripturas eruditis communicare res plena periculi foret; quo
quidem facto ingens rei litterariae emolumentum adtulisti. Video etiam quod
assiduis tuis exhortationibus, complures e Croesis nostris iam eo permoveris
ut aliquid e superfluis suis Facultatibus ad illustrandas res Hungariae
conferant. Secundent superi generosos tuos conatus, et tibi longam et
vividam senectutem largiantur, et tu singularem in litteratura Hungarica
epocham efficies.
Skrlec Lomnicki, Nikola (1729-1799) [1791]: Quindecim epistulae ad Martinum Georgium Kovachich, editio electronica, Verborum 12898, epistulae 15, ed. Neven Jovanovic [genus: prosa oratio - epistula] [numerus verborum] [skrl-epist-kov.xml].
|
