1060 Alcides, proles etc. Hebe, de qua supra diximus, Herculi deorum iam honores consequuto data est. Hanc Iovi ad poculum solitam stare dixerunt, antequam Ganymedes ille Troianus puer ex Ida ab aquila raptus in eius locum successit. Porro Heben deam iuventutis Herculi datam ideo coniugem non immerito opinatur Cleri

Heben, Iunonis Iovis alti et sanguine cretam,
Sidereo nivei florentem in vertice Olympi.
Felix, qui potuit tantos superare labores,
Et nunc indomitae virtutis praemia laetus
1065 Accipit ipse deos inter deus additus astris
Immortali aevo gaudens, vitaque perenni.
Soli autem, assiduo qui se per inania motu
Volvit agens, pulcra Oceano patre edita nympha
Perseis Circenque dedit, regemque superbuin
1070 Aeeten. heic post divum mandata sequutus
Oceani gnatam formosam accepit Idyiam,
Quae Veneris taedas experta et dulcia vincla
Eximiam certo Medeam tempore fudit.
Vos mihi nunc, terraeque omnes scopulique, valete;

Vade retro

Vade porro