761 Nec sibi iam genitus etc. Quid hac Iovis pugnantis descriptione magis poeticum atque illustrius excogitari fingique potest? Terribilis sane est et Hector ad naves Graecorum pugnans, et Achilles ad Xanthum Troianos persequens; sed haec heroum pugna. Iove autem crebro fulminante, caelum, tellus, maria, omnia denique concuti ac conflagrare videntur. Nae illi, qui ad poesim se dedunt, maie sibi consulunt, si negligant exemplaria graeca nocturna versare mavn, versare diurna.

Igne sonans, crepitantque exustis ardua sylvis
Tecta avium flammata, atque imae viscera terrae,
770 Oceanusque fluens, et vasti caerula Nerei.
Omnia fervescunt: calidus vapor undique torret
Titanas, rutiloque involvit turbine flamma
Aera diffusum: radiantia fulgura visum
Eripiunt, oculosque hebetant commixta trisulcis
775 Fulminibus; vis nulla valet se opponere contra.
Corripuere Chaos iamque ipsum incendia; et ignem
Coram oculis lustrans cernebat, et auribus altum

Vade retro

Vade porro