436 Sideream in sedem divos etc. Heic dii, uti et inferius, ubi agitur de Iovis pugna contra Saturnum, a Titanibus distinguuntur: quamvis enim a Titanibus dii sint geniti, tamen hoc honoris nomine Iupiter ceterique, qui cum eo victores exstiterunt, affecti sunt Ymt itoxw, nam victos despicere, victoribus adulari solemus.

Iupiter eximio est, donisque affecit opimis.
Nam statuit, quidquid iurassent sancta per ipsum
445 Numina, continuo foret inviolabile cunctis,
Atque suos iussit sibi gnatos semper adesse.
Sic aliis etiam quae dis promiserat ante,
Omnia perfecit. nutu nam cuncta potenti
Vertit agitque pater summa dominatus in arce.
450 Phoebe autem Coei iucundum ingressa cubile,
Atque deo dea foeta, expletis mensibus anni
Progenuit Latonam hominum pariterque deorum
Dilectam generi, placidamque, et rite faventem,
Semper et in summo ducentem gaudia Olympo.
455 Insuper Asterien, quam fortis duxit in ampla
Tecta vocans iunxitque tori sibi foedere Perses.

Vade retro

Vade porro