Boskovic, Ruder (1711-1787) [1761]: De solis ac lunae defectibus, versio electronica, 5828 versus, 91294 verborum, ed. Branimir Glavicic [genus: poesis - epica; poesis - epistula; paratextus prosaici - commenta] [numerus verborum] [boskovic-r-dsld.xml].
Si vis in lexico quaerere, verbum elige et clavem 'd' in claviatura preme.
54(53) Jo. Franciscus Albanus Clementi XI p. m. avi sui fratri egregiis naturae donis
sane non impar, in ipso primo juventutis flore in amplissimum purpuratorum
patrum senatum adlectus, quam non immature eum honorem adeptus sit, satis
constat ex oratione Latina P. Nicolai Galeotti publici eo tempore professoris
eloquentiae in nostro Romano collegio, cui orationi est titulus De juventute
honoribus tempestiva. Ac ea quidem tam celeri in eum ordinem cooptatione
nobilissimus juvenis avi fratrem imitatus, qui annum agens 52 ad summum
supremae dignitatis apicem tanto maturius, quam fieri soleat, evectus est, pari
futurae dignitati, quam ei hic itidem auguratus sum, quodammodo velut prolusit. Sed adjeci longos post Nestoris annos, ut et Benedicto XIV longioris vitae
tempus et Landio diuturnus ante pontificatus relinqueretur.
Boskovic, Ruder (1711-1787) [1761]: De solis ac lunae defectibus, versio electronica, 5828 versus, 91294 verborum, ed. Branimir Glavicic [genus: poesis - epica; poesis - epistula; paratextus prosaici - commenta] [numerus verborum] [boskovic-r-dsld.xml].
|