Boskovic, Ruder (1711-1787) [1761]: De solis ac lunae defectibus, versio electronica, 5828 versus, 91294 verborum, ed. Branimir Glavicic [genus: poesis - epica; poesis - epistula; paratextus prosaici - commenta] [numerus verborum] [boskovic-r-dsld.xml].
Si vis in lexico quaerere, verbum elige et clavem 'd' in claviatura preme.
7(II 39) Admodum difficile est nudo oculo et pura imaginatione ita continuare arcum
illum umbrae, qui apparet in Luna, ut inde deprehendi possit ratio ejus diametri
ad diametrum Lunae, quod primo loco proposuimus. Idcirco hic proponitur
methodus capiendi accuratius ejus mensuram ope micrometri. Cum haec scriberem, nondum pervulgatum fuerat per Europam micrometrum, quod appellant
objectivum, quod Dollondus hic in Anglia vel invenit vel saltem perfecit et telescopiis catadioptricis aptavit. Quod constat vitro objectivo bifariam secto et ita
aptato, ut ea dimidia possint moveri in partes contrarias ac ita exhibere binas
ejusdem objecti imagines recedentes a se invicem recessu ipsorum vitrorum.
Quam ob causam hic egi de alio micrometrorum genere, quae dicuntur ocularia
interna et constant filis quibusdam collocatis intra telescopium.
Boskovic, Ruder (1711-1787) [1761]: De solis ac lunae defectibus, versio electronica, 5828 versus, 91294 verborum, ed. Branimir Glavicic [genus: poesis - epica; poesis - epistula; paratextus prosaici - commenta] [numerus verborum] [boskovic-r-dsld.xml].
|