Skrlec Lomnicki, Nikola (1729-1799) [1749]: Operum omnium tomus I, versio electronica, Verborum 68552, ed. Neven Jovanovic [genus: prosa oratio - dialogus] [numerus verborum] [skrl-1.xml].
Si vis in lexico quaerere, verbum elige et clavem 'd' in claviatura preme.
Cum proinde politicae Hungariae circumstantiae sublationem nundinarum necdum admittant,
interest ut adminus Legislatio eas quam maxime liberas efficiat, et quidem non annuas
tantum, sed etiam hebdomadales. Publici enim nihil interest, an annuae vel
hebdomadales nundinae magis floreant; interest autem vel maxime ut quo
promptior sit mercium, et quod consequens est, pecuniae circulatio. Jam vero Legislatio, ut
ad scopum hunc tendat, eandem hebdomadalibus quam annuis
admittere debet libertatem. Hoc enim stabilito singulus articulus per naturalem commercii
cursum eo sponte inclinabit, ubi celeriorem distractionem reperiet. Quis enim nescit quod
aliquarum civitatum, quibus felix relate ad commercium situatio obtigit,
hebdomadales nundinae actu etiam solenniores sint, quam aliarum
annuae . Quis ignorat quod aliquarum civitatum, quae olim florebant,
annuae nundinae nunc miserae langueant, et vicissim. Omnia haec
naturalis commercii cursus regit, qui nisi eidem impedimenta per
Legislationem aut irrepentes sensim abusus ponantur, eo semper sponte
inclinat, ubi cum maxima utilitate exerceri potest.
Skrlec Lomnicki, Nikola (1729-1799) [1749]: Operum omnium tomus I, versio electronica, Verborum 68552, ed. Neven Jovanovic [genus: prosa oratio - dialogus] [numerus verborum] [skrl-1.xml].
|