Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Jan Panonije (1434-1472) [1447, Italia; Hungaria]: Epigrammata et elegiae, versio electronica, 5735 versus, verborum 37748, ed. Sandor Kovacs [genus: poesis - epigramma; poesis - elegia; poesis - carmen] [numerus verborum] [ian-pan-epigr-eleg.xml]. Si vis in lexico quaerere, verbum elige et clavem 'd' in claviatura preme.
Pectora si magnum redolerent nostra Maronem, Divinusque meo sub corde lateret Homerus, Et mea centenis resonarent guttura linguis: Vix, Galeotte, tibi meritas persolvere grates Munere pro tali facundia nostra valeret. Tot tibi sint igitur grates, quot litus harenas, Tmolus habet vites; maturas Gargara messes, Dulcis Hymettus apes, vastas Hyrcania tigres, Quot gruibus Strymon, niveis palus Asia cygnis, Glandibus Epirus, quot abundat frondibus Ide, Quot fluvii pisces, quot sidera stellifer axis, Terra feras nutrit, volucres agitabilis aër, Quot segetes aestas, vernalia tempora flores, Quot pater Autumnus dulces in vite racemos, Humantes pluvias quot bruma novissima gignit, Irrigui pictis quot abundant floribus horti, Arboribus montes, maturis frugibus agri. Ergo vale, et nostri reminiscere semper amoris.
Jan Panonije (1434-1472) [1447, Italia; Hungaria]: Epigrammata et elegiae, versio electronica, 5735 versus, verborum 37748, ed. Sandor Kovacs [genus: poesis - epigramma; poesis - elegia; poesis - carmen] [numerus verborum] [ian-pan-epigr-eleg.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.