Dumanic, MarkoBernardi, Jerolim (1628-1701; oko 1688-1773) [1701]: Synopsis virorum illustrium Spalatensium, versio electronica, verborum 6745, versus 158, ed. Bratislav Lucin [genus: prosa oratio - historia litteraria; prosa oratio - catalogus virorum] [numerus verborum] [dumanic-m-synopsis.xml].
Si vis in lexico quaerere, verbum elige et clavem 'd' in claviatura preme.
Hieronymus Papalis, patritius Spalatensis, habuit ingenium satis amoenum et ad poesim mirifice propensum, in qua addiscenda omnem industriam collocavit, ut brevi tum Latina, tum Italica ac vernacula lingua elegantissimos versus faceret. Reliquit varii generis carmina pure, dilucide, perspicue eleganterque composita, in cujus gratiam Marcus Marulus Francisci Petrarchae de Beata Virgine Maria cantilenam suo vernaculo sermone compositam Latinam fecit; vir doctus et poetica laude adeo celebris ut cum Musis contendere
[ERROR: no reftable :]
Ex condere.
possit (ex epistola Marci Maruli eidem scripta, ut videre est in suo Evangelistario ad calcem operis).
Marci Maruli:
Hieronyme, in teneris sic carmina concinis annis
Ut liceat de te conjicere ista mihi:
Tempora Apollinea gestabis cincta corona
Et solves Lycio debita vota deo.
Tunc tua per terras ibit perque aequora fama, 5
Quisque feret nomen sydera ad alta tuum
Si, quibus incumbis, studiis praestabis in illis,
Taedia nec longus conferet ulla labor;
At si blanda magis te delectare voluptas
Segnis et incipiet gratior esse quies, 10
Obscurus vives, et tellus nomen eadem
Obruet[ERROR: no reftable :]
Ex obruat. illa tuum quae tua membra teget.
Id tibi ne veniat, Musarum cultibus, oro,
Exerce ingenium nocte dieque tuum.
Dumanic, MarkoBernardi, Jerolim (1628-1701; oko 1688-1773) [1701]: Synopsis virorum illustrium Spalatensium, versio electronica, verborum 6745, versus 158, ed. Bratislav Lucin [genus: prosa oratio - historia litteraria; prosa oratio - catalogus virorum] [numerus verborum] [dumanic-m-synopsis.xml].
|
