Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Vicic, Kajetan (?-ante 1700) [1700]: Jesseidos libri XII, editio electronica, 13523 versus, verborum 84448, ed. Gorana Stepanic [genus: poesis - epica] [numerus verborum] [vicic-k-jess.xml]. Si vis in lexico quaerere, verbum elige et clavem 'd' in claviatura preme.
38.
Tempus erat, quo non pridem per rura solutus Segnior admisit riparum vincula Nilus, Phoebus in autumnum cum declinaret et umbras Laxaret Meroe Libraeque in sidere Titan Non foret augmentum sortitis noctibus impar. Composito tandem consuetae margine ripae Flumine, sat madidis visis a gurgite campis Arboribusque satisque gravem spondentibus annum, Turba dies bis quatuor agit Nilotica, laetis Utraque post epulas animosa iuventa choreis: His patrios laudare deos undaeque potentem Frugiferumque Pharo mos est extollere Nilum. Religio tunc caeca suas laxabat habenas: Thura crematuris aperit sacraria mystis Vana superstitio, damnatis ritibus aras Incursare docet donisque implere deorum Atria et effictis in Numina fidere signis. Tunc nulla Isiacae friget sine thure iuvencae Ara, nec amisso deerat suus ignis Osiri. Isi, decus Nili, tua solum altaria maesto Niliades clamore colunt et iusta perempto UnĂ tecum omnes ululant lamenta marito: Surdus inauditis cumulatur honoribus Apis, Munusque Anubis habet, non est sine ritibus Horus, Indigenae divam celebrant Bubastida nymphae. Et canibus suus est cultus: crocodilon et ibim Vota humana petunt: nullum est sine supplice monstrum.
Vicic, Kajetan (?-ante 1700) [1700]: Jesseidos libri XII, editio electronica, 13523 versus, verborum 84448, ed. Gorana Stepanic [genus: poesis - epica] [numerus verborum] [vicic-k-jess.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.