In laudes Joannis Bonae Reipublicae Ragusinae Rectoris mense Augusto an. 1645. Junius Palmotta.
Largire Vati nunc, facilis, tuo,
Regina, gratum, Calliope, melos,
Nostroque da vires canoras
4 Ingenio per amica plectra,
Ut possit aptis carminibus bonas
Referre laudes Principis optimi,
Quem diva virtus ad supremos
8 Evehit emeritum curules.
Assueta dignos imperii manus
Tractare fasces, alite cum bono
Rursus resumit, patriosque
12 Nobilitat generosa fastos.
Justum et tenacem propositi virum,
Felicitantis qui sapientiae
Jucunda gustavit fluenta
10 A tenero studiosus aevo,
Decent honores ; nec sine numine
Plato, disertae gloria Graeciae,
Praedixit, ante omnes beatam,
20 Quam sapiens moderatur, urbem.
Virtutis ergo dum comes aureae
Bonus Joannes invigilat tuis,
Ragusa, muris, vir sagaci
24 Strenuus ingenio, manuque,
Secura saevi vive periculi
Hoc lacrymoso tempore, nec minas
Fido superstantes ovili
28 Threicii timeas Tyranni.

-- 14 --

Ah! cerne, quantis asper hiatibus
Venena spirat foeda, quot igneis
Cinctus cerastarum catervis
32 Bella movet Veneto Leoni:
Quot rauca Graji per maris aequora
Ducit cohortes dirus, ut occupet
Regnata Minoi severo
36 Arva, sagittiferasque sylvas :
Et jam Leonum nota cubilia
Irrumpet audax, et miserabiles
Cydonios saltus relinquet
40 Anguibus Odrysiis colendos.
Mox incitato robore saevior
Aethnaea nigris regna vaporibus
Perusta, fumantesque campos,
44 Aut Melitae penetrabit arces;
nec parcet oris impius Italis
Furentis instar turbinis obruens,
Quas Betis urbes, quas Garumna,
48 Quas gelidus rigat amne Rhenus;
Ni fulminantis magna Dei manus
Hidros minaces, monstraque turpia
Confundet, ut quondam, dabitque
52 Hesperiis superanda turmis.
Quam Justus eheu! me timor opprimit
Ne vota Coelo displiceant mea,
In justa dum cerno furentes
56 Proelia Christiadum Tyrannos.
Hine contumaci Marte Britannia
Regi rebellis fervet; et acrior
Illinc triumphatus resurgit
60 Gothus in Austriacas volucres:
Hinc bellicosam Gallus Hiberiam
Lacessit armis, nec sinit, ut suas
Vires reluctanti Leoni
64 Jungat, et ignivomos colubros.
Inter propinquos sanguine Principes
Civile plusquam, proh bone Jupiter!
Bellum recrudescit, huicque
68 Addit opes animumque monstro.

-- 15 --

Vos, o supremi Coelicolae, lues
Arcete nostris moenibus horridas