174. 1592. siječanj 3. Sisak KAZ, ACA fasc. 27, nr. 11/42. Izvornik. Reverendi domini et patres colendissimi, salute praemissa officiorum nostrorum commendationem.

Isti miseri subditi de Vrywth extrema tandem necessitate compulsi vel dimissionem petunt vel in Drenchina Superiore locationem, quod utrumque nos quantum potuimus hucusque lenivimus. Nunc congeluscente Colapi omnimodam minantur migrationem, quam tamen nos observamus eos demulcentes

-- 342 --

bonis verbis et spebus futuris rerum meliorum et auxiliorum. Si tamen quippiam illis extrueretur, prout olim fuit deliberatum, forsitan remanerent spe oblata. Reverendae dominationes vestrae deliberent et statuant aliquid de illis.

Totussevinam quoque nunc in regno opera domini Keglevich et intercessione eiusdem pro laboratoribus restaurandam omnino sollicitent, alioquin neque lignacio oppidanis neque nobis libera foret, piscacio vero nulla qua miseri cives et taxam solum et seipsos sublevant.

Cum his reverendas dominationes vestras foelicissime valere optamus. Sciscii 3. Ianuarii 1592. Reverendarum dominationum vestrarum servitores, spani Sciscienses, manu propria. A tergo: Reverendis dominis capitulo ecclesiae Zagrabiensis etc., dominis et patronis nobis colendissimis. Notatum a capitulo: Coloni in Wryut petunt abeundi veniam, quod Totussewyna per Keglewichios defenderetur. Redditae 4. Ianuarii 1592.