| Croatiae auctores Latini: inventa |
| domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
|
Benesa, Damjan (1476-1539) [1534, Dubrovnik]: De morte Christi, versio electronica, 8402 versus, verborum 61948, ed. Vladimir Rezar [genus: poesis - epica] [numerus verborum] [benesa-d-dmc.xml]. Si vis in lexico quaerere, verbum elige et clavem 'd' in claviatura preme.
Vimque illam subter ritu descendere sacro, Crescere sic tamen, ut nec amabile disecet unum, Nec nexu series ea se seiungeret alto, Et tali corpus cohiberi protinus arte. Vtque penes Patrem stat templi pręses, et idem Intercessor adhuc testatus uoce perenni, Exiguas uires et nostrum debile robur. Protinus ordiri uitam degentibus inde, Vt fugiant pectus pręsenti fingere uoto, Promissi potius spectantes pręmia diui, Quando palam meriti mens omnis conscia stabit, Quaque Deo similes redigi contingat, eadem Fidere, spe certa cęlestem carpere fructum. Interea tacitus dum spectat talia Petrus, Proluitur sibi mens maiori luce, subitque, Rarus mortalis quo tollitur: insita malo Ceu pyrus sua fert alieno in stipite mala,[ERROR: no reftable :] 5
Pectore sic toto Christo tunc assitus ille Diuinę remanet ditionis, prorsus in idque Ius abit, et rapto uenientia secla patescunt. En Baratri fraudes commotaque pręlia cernit, Dum formant dictis mortales, ense resistit. Ast ut mox pietas illuxit clarior orbi, Illicet errores infestus miscet inanes. Quam primum demum dolus ille euanuit omnis, Dissidia et uani meditatur nomina fastus. Heu quantum hac diro licuit nocuisse Baratro! Heu furor atque malę uehemens insania mentis! Innecti fraudes, ut mystica munera temnant, Quatenus illapsus mortales Spiritus afflat, Idque in principio rem lęsit et eruit omnem. Desciscunt, subit ambitio turpisque libido, Vincla cadunt quibus est commissa ecclesia cęlo. Pontifices en bella mouent et stringitur ensis. Heu operam egregiam regum confundere iura, Ne sit, qua trutina pensentur facta profana! Scilicet et summo sese diducere cęlo, Vt liceat prędę prorsus dare, nominis usquam Quicquid sit Christi, modo ne sit maior ouili Quem lex pręfecit, uel iuri pugnet in
Benesa, Damjan (1476-1539) [1534, Dubrovnik]: De morte Christi, versio electronica, 8402 versus, verborum 61948, ed. Vladimir Rezar [genus: poesis - epica] [numerus verborum] [benesa-d-dmc.xml]. |
|||||
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.