Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Benesa, Damjan (1476-1539) [1534, Dubrovnik]: De morte Christi, versio electronica, 8402 versus, verborum 61948, ed. Vladimir Rezar [genus: poesis - epica] [numerus verborum] [benesa-d-dmc.xml]. Si vis in lexico quaerere, verbum elige et clavem 'd' in claviatura preme.
Vbere cęlesti superarit gratia quamuis. Et relegit vatum studioso pectore scripta, Dictarit quę nam nostrę decreta salutis Ipse Deus, tum quę mortales plurima coelat, Spectabat dię assueto sub lumine lucis. 71 "O liceat ueteres coeli reparare ruinas!" Sępe trahens imis suspiria lenta medullis, "O", ait, "et placeat terras inuisere tandem, Vt Deus in nostro cernat, quę finxerit olim, Corpore, et oblatus posita uideatur in ara." Instabat de more sacris operata, Deumque Omnibus a uotis pergebat rite mereri, Cui Deus illapsu mentem recreabat amico, Insinuatque animi sese penetralibus atque Permeat, et totam solidabat uiuida uirtus Templum perpetuum sibi iam positura manenti. Quo magis hanc coelo fert spiritus, amplius illa Sese demittit, tum pectore deuouet olli, Atque ita non unquam post ortum tempus et annos Consensit natura Deo, quadraret ut omni A parte haudquaquam prorsus iam Instar materię, subigit quam robore forma Actiuo, prorsus cui tota potentia cessit, Vt satiata nihil dehinc amplius appetat ultra. Atque redacta adeo iuris remanebat amati Ex toto possessa Deo; sed promouet illam Hic Deus omnipotens in quem delegerat actum. Maternum tenerę sapientia nomen adumbrat Aetati, meruit Verbi tunc Virgo uideri Mater diuini, quo facto cuncta repente Exemplum mirata nouum diuum agmina stabant. Inde suo in terras Gabriel uenit ordine motus. Quin etiam generis debebat iure uocari Humani mater, tantum pia Virgo dolebat Mortales procul a uero per deuia tractos. Hinc supplex gemitus renouabat sepe "O amor, o animi lux sancta, o summa Permissum tenebris satis est, satis insuper Sat poenas luimus propriis erroribus acti, Satque tibi natis Herebum ditauimus ultro. O liceat tandem damnis imponere finem: Siste iram, mitis redeat clementia coram,71' Erumnis quę nunc mortales eruat, atque Errantes tantum deducat tramite recto, Et semel eniteat tersa caligine uerum. Iam sanctum germen teneat nil amplius, oro, Iustitia ut reparet tellure exorta ruinas, Oppressosque diu releuet longumque iacentes, Et reduces secum sublimibus inferat astris." Astitit[ERROR: no reftable :]
Benesa, Damjan (1476-1539) [1534, Dubrovnik]: De morte Christi, versio electronica, 8402 versus, verborum 61948, ed. Vladimir Rezar [genus: poesis - epica] [numerus verborum] [benesa-d-dmc.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.