| Croatiae auctores Latini: inventa |
| domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
|
Benesa, Damjan (1476-1539) [1534, Dubrovnik]: De morte Christi, versio electronica, 8402 versus, verborum 61948, ed. Vladimir Rezar [genus: poesis - epica] [numerus verborum] [benesa-d-dmc.xml]. Si vis in lexico quaerere, verbum elige et clavem 'd' in claviatura preme.
Qui prima, diuersa quidem naturaque duplex Non uenit hinc, eademque manens substantia segnis Haud torpet, genita sed sese luce tuetur, Atque aeternus amor tali spectamine prodit. Magni hęc ipsa Dei, si fas est dicere, uita Perpetua, et motu nunquam uariabilis ullo. Sed quodcunque Haud Arbitrio cuius limes pręscribitur ille. Quantumcunque tamen distabit origine prima, Vt quod fortuitum ac aliter contingit haberi, Atque ratum et nullis agitabile casibus unquam. Ergo illo reuoca, quę passim condita cernis: Vt libuit construxit opus, queis scilicet ipsum Se prodat, uoluit uarios effingere uultus. Serua ministerio tunc primum turba refulsit Spirituum, atque acies duxerunt ordine iussi. Dehinc hominem mox tollit humo, cui foedere certo Extendit coelos, intusque elementa ligauit, Atque ita prouisum, uitę succurrat egenti, Et mundus foueat largo uelut ubere parta. Ast hominem Ingenii Auro nobilius diuinum munus opemque, 33 Qua degat foelix, et coelum possit adire. Neu quis tot rerum causas quęsiuerit extra, Diuinique operis finem putet esse caducum Et mortale, uetus sacri hęc sententia uoti. Filius asseruit non se sublimis in arce, Cui par, cuique et numen idem similisque potestas, Nec uelut inuasit regalia sceptra tyrannus. Ingens arcanum - quid dictis demoror, o mens! - En famulum exhibuit sese, uilemque figuram, Sic placitum est, deuota Patri uelut hostia legit: Consilio Deus ergo huc rettulit omnia condens. Hic caput et primum fuit albo nomen in illo, Index et ueluti totius lemma libelli. Hunc hominem uiles hodie nos cernimus ipsi." Vt dixit, lachrimisque genas simul implet obortis, Pręclusitque dolor fauces, non hiscere quiuit Amplius: o pietas ac aeui pectora primi! Quę lux tunc fuerat, quis lectę gentis et ardor? Sed quia nunc coepto decurrens orbita flexit Ingenio monstrante uiam, iam tempus habenas Tendere pręscripto reuocantes tramite cursum. Hęc satis, ut facilem capiat doctrina tenorem.
Benesa, Damjan (1476-1539) [1534, Dubrovnik]: De morte Christi, versio electronica, 8402 versus, verborum 61948, ed. Vladimir Rezar [genus: poesis - epica] [numerus verborum] [benesa-d-dmc.xml]. |
|||||
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.