VII Atque haec ferè sunt, Serenissime Princeps,
-- -- quae tanta
temporis brevitate ut clementissimo tuo iussu et voluntatui pro viribus satisfacerem
raptim omni verborum mundicie atque elegantia procul relegata, ex plerisque meis
Collectaneis Tirolensibus colligere potui, Celsitudinem Tuam summopere obsecrans, ut
studium illud meum (propriis sumptibus non sine gravi patrimonii dispendio hactenus
septimum annum continuatum laboriosumque) in illustrandis Patriae nostrae Tirolensis
monumentis, clementissimo animo complectatur, promovere dignetur, meque sibi humilem
clientulum quàm commendatissimum esse sinat. Serenissima Celsitudo Tua foelicissimè
valeat, donet et imperio Princeps fortissimè, pariterque religiosissimè tempora
longa tuo ille rerum omnium arbiter, qui trinus et unus est. Amen.