Andreis, Franjo Trankvil (1490-1571) [1527]: Dialogus Sylla, versio electronica., Verborum 15372, ed. Neven Jovanovic [genus: prosa oratio - dialogus] [numerus verborum] [andreis-f-sylla.xml].
Si vis in lexico quaerere, verbum elige et clavem 'd' in claviatura preme.
CAES.
Is ego sum Caesar (si quando, Minos, ad tuas aures fama ipsius peruenit) qui
domi belloque clarus omnes (excepto rege Macedonum) externos et Romanos
imperatores magnitudine rerum gestarum (ne sit inuidia dicto) superarim.
Vtrasque Gallias seminarium triumphorum pacatas populo Romano reddidi:
Britannos uici: summoui Germanos: a me uires Pharnacis comminutę: Alexandria
subacta: Aphri atque Hispani meis inimicis auxilia ferentes cęsi sunt: ad
extremum diem necis summę rerum praefui solus imperator:
nunquid ergo, Minos, indigna postulare uideor, si contendo pręferri L.
Syllę, uiro alioquin egregio, nequaquam tamen amplitudini Cęsaris
comparando.
Andreis, Franjo Trankvil (1490-1571) [1527]: Dialogus Sylla, versio electronica., Verborum 15372, ed. Neven Jovanovic [genus: prosa oratio - dialogus] [numerus verborum] [andreis-f-sylla.xml].
|
