Marulic, Marko (1450-1524) [1522]: Tropologica Dauidiadis expositio, versio electronica, Verborum 5871, ed. Neven Jovanovic [genus: prosa oratio - expositio] [numerus verborum] [marul-mar-trop.xml].
Si vis in lexico quaerere, verbum elige et clavem 'd' in claviatura preme.
Postremo Adonias, Dauidis filius ex Agita, appetit regnum, sed uota eius
frustrantur, Salomone in regnum succedente. Adonias Domini donatio interpretatur,
Agith festiua uel solemnis, Salomon pacificus uel retributor. Adonias Iudeos
figurabat, qui erant Domini donatio, quia dicti sunt populus Dei. Hi Agith, id est
festorum et solemnitatum, filii erant, dum Lex uetus uigeret. Sed quoniam Noua
quoque lege succedente a ueteribus institutis et cerimoniis desistere nolebant, ideo
regnum expetisse dicuntur. Succedente autem Salomone pacifico, id est lege
Euangelica, quę
maledictum uertit in benedictionem, dissipatum est Adonię
ueteris
regnum, et nouus Salomon dominari coepit in cordibus populi fidelis. Et id
quidem Bersabe procurante, hoc est Scripturis futurum prędicentibus, et Nathano
id est dono Dei adiuuante. Ergo Salomon, id est lex Euangelica, in solio sedit
Dauidis et inter credentes regnare coepit, Dauide iubente, id est Christi uirtute,
qui talem nouitatem dedit nobis. Fugit igitur Adonias, cessarunt uetera, et
Salomon sedit in solio, noua facta sunt omnia.
[ERROR: no reftable :] 151v
[ERROR: no reftable :] Ps 140 (141),2
[ERROR: no reftable :] 152r
[ERROR: no reftable :] nobis corr. MS ex hominibus
[ERROR: no reftable :] cf. si qua ergo in Christo nova creatura vetera transierunt ecce facta sunt nova II
Cor 5,17
Marulic, Marko (1450-1524) [1522]: Tropologica Dauidiadis expositio, versio electronica, Verborum 5871, ed. Neven Jovanovic [genus: prosa oratio - expositio] [numerus verborum] [marul-mar-trop.xml].
|