Marulic, Marko (1450-1524) [1519]: De humilitate, versio electronica, Verborum 81625, ed. Branimir Glavicic [genus: prosa oratio - tractatus] [numerus verborum] [marul-mar-humil.xml].
Si vis in lexico quaerere, verbum elige et clavem 'd' in claviatura preme.
Oranti apparuisse angelum Lucas testatur: Apparuit illi angelus — inquit —
de cęlo confortans eum. Et factus in agonia prolixius orabat. Et factus est sudor eius
sicut guttę sanguinis decurrentis in terram. Hic angelus apparens, dum moestum
consolatur, humanam in Domino Iesu naturam ostendit. Alias accedentes et eidem ministrantes
angeli diuinam in eo naturam testati sunt. Dei enim Verbum nostra assumpsit et sua non
dereliquit, ut in nostris pro nobis ualeret pati et in suis posset nos beatificare. Pro nobis
itaque tristatur, pro nobis orat, pro nobis ardenter orando ęstuat et sudat.
Marulic, Marko (1450-1524) [1519]: De humilitate, versio electronica, Verborum 81625, ed. Branimir Glavicic [genus: prosa oratio - tractatus] [numerus verborum] [marul-mar-humil.xml].
|
