Marulic, Marko (1450-1524) [1519]: De humilitate, versio electronica, Verborum 81625, ed. Branimir Glavicic [genus: prosa oratio - tractatus] [numerus verborum] [marul-mar-humil.xml].
Si vis in lexico quaerere, verbum elige et clavem 'd' in claviatura preme.
Porro mortem Christi continuo secuta sunt miracula. Et ecce — inquit —
uelum templi scissum est in duas partes a summo usque deorsum, et terra mota est, et
petrę scissę sunt. Et monumenta aperta sunt, et multa corpora sanctorum, qui dormierant,
surrexerunt. Et exeuntes de monumentis post resurrectionem eius uenerunt in
sanctam ciuitatem, et apparuerunt multis. Congruum sane fuit, ut omnia commouerentur
elementa in morte sui autoris et, quomodo poterant, tunc se tristari ostenderent. Velum templi
scinditur, terra tremit*, petrę dissiliunt, monumenta aperiuntur, mortui resurgunt. Et cuncta
alia diuinitatem eius, qui in cruce mortuus pendebat, testantur.
Marulic, Marko (1450-1524) [1519]: De humilitate, versio electronica, Verborum 81625, ed. Branimir Glavicic [genus: prosa oratio - tractatus] [numerus verborum] [marul-mar-humil.xml].
|