+ IC XC Spectabilis et egregie domine honorande, comendationem plurimam.

Mittitur D. V. expeditio sua, per Caesaream Maiestatem et prouidetur pridem ei de viatico; ego etiam mitto priuilegium suum expeditum. Si qua alia in re possum seruire D. V., faciam libentissimo animo. Si commode potest D. V. secum defere scorpionem, uel balistam illam regie Maiestati, faciet mihi rem singulariter gratam. Quam commendando me Regie sue Clementie offeret ei; munus quidem tanto Rege indignum, sed in signum seruitutis et sincere fidei mee ad maiestatem suam erit pro venatione. et si potest eam defere D. V. exhibeat annexas Domino Cabrieli de Tasis, Magistro postarum in Insprug, qui eumdem scorpionem consignabit D. V.. Que itidem me plurimum comendet Reuerendissimo Domino Plociensi et suis colegis qui fuerunt cum eo apud Caesarem et similiter domino Vicecancellario, et Magnifico Domino Cancellario, et Domino Bernardino Gallo conteraneo meo.

Si aliquando scripserit ad me D. V. ex patria semper rescribam sibi; et me ad omnia vota sua offero. Auguste, Die VI. Mensis Januarii. Anno Domini MDXVI. E. D. V. Semper ad vota Jacobus de Bannissis.

Spectabili et egregio Domino Ioanni de Curijs Dantisco Serenissimi Polonię Secretario Domino honorando

Vade retro

---

Banicevic, Jakov (1466-1532) [1516]: Spectabili et egregio Domino Ioanni de Curijs Dantisco, versio electronica., Verborum 189, ed. Neven Jovanovic [genus: prosa oratio - epistula] [numerus verborum] [banic-j-epist-dantisc-1516-01-06.xml].

---