Marulic, Marko (1450-1524) [1510]: Regum Delmatiae atque Croatiae gesta, versio electronica, Verborum 4606, ed. Neven Jovanovic [genus: prosa oratio – historia] [numerus verborum] [marul-mar-rdcg.xml].
Si vis in lexico quaerere, verbum elige et clavem 'd' in claviatura preme.
Eo[ERROR: no reftable :]
Rex XIV
defuncto alter ex nepotibus eius natu maior nomine Sebeslauus regnare coepit. Cumque
Scodram, regni sui oppidum, Gothi obsedissent, ille coacta suorum non parua manu audacter
impigreque castra eorum[ERROR: no reftable :]Scodra inuasit ita ut primo impetu eos
opprimeret. Hostium igitur, qui regnum suum bello lacessere non dubitauerant, statim pars alia
cęsa, alia capta, alia in fugam conuersa uictoriam illi reliquit. Neque enim[ERROR: no reftable :]
semper prospere pugnare possunt qui plus audacię quam uirium prę se ferunt. Interim
Attila, Pannonię rex, rursum infestis armis fines eius ingressus oppidum quoddam ui cępit
cumque bona diripuisset, ędes incendit, moenia dirruit et audita Gothorum cęde nihil cunctatus
in regnum suum abiit. Sebeslauus uero nondum de fuga eius certior factus extemplo copias eo
mouit, sed hoste quo cum congrederetur non inuento oppidum, quod solo ęquatum fuerat,
instaurari iussit. Cumque quattuor et uiginti regnasset annos, duos de se liberos reliquit:
alteri nomen erat Razbiuoius, alteri Bladimerus.
Marulic, Marko (1450-1524) [1510]: Regum Delmatiae atque Croatiae gesta, versio electronica, Verborum 4606, ed. Neven Jovanovic [genus: prosa oratio – historia] [numerus verborum] [marul-mar-rdcg.xml].
|