Marulic, Marko (1450-1524) [1510]: Quinquaginta parabolae, versio electronica, Verborum 13330, ed. Branimir Glavicic [genus: prosa oratio - parabola] [numerus verborum] [marul-mar-quinqu.xml].
Si vis in lexico quaerere, verbum elige et clavem 'd' in claviatura preme.
Huius parabolae similitudinem explicare poterit, qui nouit, in quanto amittendae castitatis
uersentur periculo, qui se ultro ingerunt aspectibus feminarum. Illis arridere, cum illis
confabulari, illas tangere Aethneis ignibus proximare est. Tunc si licentior intercesserit
familiaritas, libidinis incendiis conflagrabit sanctioris propositi pudor, et turpi seruire
incipient luxuriae, qui ante seruierant Christo. Qui uero a mulierum consuetudine, quantum
potest, procul se fecerit et non minus eis quam Siculis illis ardoribus accedere ueritus
fuerit, semper cauens periculum, quod multos perdidit, hic demum animi corporisque
integritatem, quam Deo uouit, laetus offeret et angelorum consortium merebitur in caelo, qui
angelorum uitam uixit in terris.
Marulic, Marko (1450-1524) [1510]: Quinquaginta parabolae, versio electronica, Verborum 13330, ed. Branimir Glavicic [genus: prosa oratio - parabola] [numerus verborum] [marul-mar-quinqu.xml].
|