Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Pucic, Karlo (1458-1522) [1499, Dubrovnik]: Elegiarum libellus de laudibus Gnese puellae, versio electronica, Versus 194, verborum 1177, ed. Duro Korbler [genus: poesis - elegia; poesis - carmen; poesis - cyclus] [numerus verborum] [pucic-k-libellus.xml]. Si vis in lexico quaerere, verbum elige et clavem 'd' in claviatura preme.
De uero amore elegia tertia uel de mutatione amoris.
Ocia deposito traherem cum blanda labore, Cum mihi desidiae dulce placeret opus, Me puer inuenit meditantem uana Cupido: "Cur" ait "in cassum tempus inane teris? Sis meus et nostris miles fer signa triumphis; Ocia te nimium desidiosa iuuant." Sic ait et certo telum demisit ab arcu: Et mea perculsit pectora saeuus amor. Me quoque seruitio pressit maestumque reliquit, Impulit et miserum uincula mille pati. Inde meo saeui mansere in corde dolores. Hinc ego crudeli uulnere laesus agor. Hinc laqueo uinctum tenuit me Gnesa tot annis Quae placuit uotis sola puella meis. Quam Grais aliisque simul praeferre solebam, Imperium cuius ferre coactus eram.
Pucic, Karlo (1458-1522) [1499, Dubrovnik]: Elegiarum libellus de laudibus Gnese puellae, versio electronica, Versus 194, verborum 1177, ed. Duro Korbler [genus: poesis - elegia; poesis - carmen; poesis - cyclus] [numerus verborum] [pucic-k-libellus.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.